‘అల్లరి' నరేష్, మోనాల్ జంటగా భీమనేని శ్రీనివాసరావు దర్శకత్వంలో అరుంధతి మూవీస్ పతాకంపై చంద్రశేఖర్ డి. నిర్మించిన ‘సుడిగాడు' క్రితం శుక్రవారం విడుదలైంది . ఈ చిత్రం డివైడ్ టాక్ తెచ్చుకున్నా కలెక్షన్స్ పరంగా కొత్త రికార్డులు క్రియేట్ చేస్తోంది. అల్లరి నరేష్ గత చిత్రాలు దేనికి రానంతగా ఈ చిత్రానికి కలెక్షన్స్ వస్తున్నాయి. విడుదలైన ఐదు రోజులోనే ప్రపంచ వ్యాప్తంగా ఏడు కోట్లు కలెక్టు చేసిందని ట్రేడ్ వర్గాల సమాచారం. ముఖ్యంగా నైజాంలో రెండు కోట్ల యాభై లక్షలు రూపాయలు కలెక్టు చేసిందని చెప్తున్నారు. ఇదే రన్ కంటిన్యూ అయితే ఫస్ట్ వీక్ లోనే పది కోట్లు వరకూ కలెక్టు చేస్తుందని అంచనా వేస్తున్నారు.
ఇక ఈ కలెక్షన్స్ కు ప్రధాన కారణం పబ్లిసిటీ అని తేలుస్తున్నారు. మీడియాలో ఈ సినిమాకు విపరీతమైన హైప్ క్రియేట్ చేయటంలో ట్రైలర్స్,పోస్టర్స్ ప్రధాన పాత్ర పోషించాయి. అందుకు తగ్గట్లుగానే ఓపినింగ్స్ అదిరిపోయాయి. ముఖ్యంగా వీకెండ్ మూడు రోజులు ఈ చిత్రం ఓ రేంజిలో కలెక్షన్స్ రాబట్టింది. కామెడీ చిత్రం కావటం, పెద్ద హీరోలను స్పూఫ్ చేయటం ఈ సినిమాకు కలిసివచ్చింది. తమ హీరోలను ఏ విధంగా స్పూఫ్ చేసారు అన్నది వీక్షించటానికే జనం ఎగబడుతున్నారని ఫిల్మ్ సర్కిల్స్ లో అంటున్నారు.
No comments:
Post a Comment